Ксты

Кожны чалавек звяртаецца да Бога. Адзін у думках, другі словамі малітвы просіць здароўя для дзіцяці альбо па-свойму вядзе размову з Усявышнім. Вельмі вялікая колькасць людзей просіць ласкі Божай у цяжкія хвіліны жыццёвага выпрабавання – моляцца хто як умее. Зусім няверуючага чалавека няма на ўсёй зямлі, а непрактыкуючых, апушчаных, загубленых духоўна – мноства. Звяртаюцца людзі да Бога на роднай мове, бывае, на чужой. На чужой мове моляцца многія людзі ў Беларусі – так склалася, і людзі невінаватыя. Госпад разумее і чуе ўсіх, нават думкі. „Ксты” – кніга вялікага беларускага паэта, народнага паэта РЫГОРА БАРАДУЛІНА. Гэта ўзор духоўнай паэзіі. Паэт імкнецца наблізіцца да Усявышняга, паразважаць над пытаннямі вечнага і зямнога. Кожны чалавек рана ці позна задумваецца над імі. Але адказу няма. Бо гэта Таямніца. (кс. У. Завальнюк, Каб рунела душа, фрагмэнт)

• Месца выхаду: Менск
• Дата выхаду: 2006
• Рэдактар: Сакалоўская Ала
• Выдавец: Рымска-каталіцкая парафія святога Сымона і святой Алены
• ISBN: 985-6652-08-1
• Катэгорыя: Мастацкая літаратура
• Copyright: © 2006 by Рыгор Барадулін, Ала Сакалоўская, Уладзіслаў Завальнюк
• Кнігазбор: Kamunikat.org, Прыватны каталёг
• Дадатковая даведка: Падзяка Усявышняму і Маме, спроба наблізіцца да сэнсу Вечнае Кнігі, жаданне пачуць душу людскую і сваю – у кнізе „Ксты”. http://baradulin.by/