Крывія 23

Прэзэнтацыя кніжак Зянона Пазьняка. 20 год таму, 25-га жніўня 1991, Беларусь абвясьціла сябе сувэрэннай дзяржавай, незалежнай ад Савецкага Саюзу. Дзякуючы дамаганьням парляманцкай апазыцыі (фракцыі БНФ), Вярхоўны Савет 12-га скліканьня фармальна надаў дэклярацыі аб сувэрэнітэце канстытуцыйную сілу. Поў году пазьней, у лістападзе таго-ж году, кіраўнік незалежнай Беларусі, разам з кіраўнікамі незалежных Расіі й Украіны, пастанавілі зьліквідаваць Савецкі Саюз. З нагоды 20-тых угодкаў гэтых падзеяў, сп. Зянон Пазьняк, старшыня тагачаснай апазыцыйнай фракцыі БНФ, наведаў 27-га жніўня 2011 г. беларусаў Прагі, дзеля прэзэнтацыі сваіх новых кніжак, што насьвятляюць тую гістарычную пару: "Сэсія Незалежнасьці", "Дэпутаты Незалежнасьці," "Цяжкі Час" і іншыя. Пасьля самой прэзэнтацыі, сп. Пазьняк падзяліўся сваімі ўспамінамі на тыя напружаныя жнівеньскія дні. Ён падчыркнуў, што незалежніцкая дэпутацкая апазыцыйная фракцыя складала тады толькі 8% усяго парляманту. Камуністычная бальшыня дэпутатаў тады на нейкі час разгубілася, бо сытуацыя ў савецкай сталіцы, Маскве, стала вельмі няяснай, пасьля няўдачнага анты-гарбачоўскага пучу.

• Месца выхаду: Прага
• Дата выхаду: 2011-09
• Copyright: © 2006-2011 by Крывія
• Кнігазбор: Kamunikat.org