Крывінка 6 (232) 2019

Цэлую 16-ю сесію раённага Савета дэпутатаў 28-га склікання ў Бешанковічах прысвяцілі святкаванню Перамогі савецкага народа ў Вялікай Айчыннай вайне. Сёння на тэрыторыі Бешанковіцкага раёна пражываюць 6 удзельнікаў Вялікай Айчыннай вайны. Нашы чыноўнікі, калі меркаваць па іхніх словах, ледзьве не жывуць разам з кожным удзельнікам у іхняй хаце. Клапоцяцца пра іх, як пра родных. – А чаму б ім так не клапаціцца і пра астатніх 15 000, што пражываюць у нашым раёне? Чаму астатнія людзі для іх нібыта другога гатунку? Газета “Зара” пераконвае: “Ветэраны вайны знаходзяцца пад апекай медыцынскіх устаноў. Урачы і медсёстры да гэтай катэгорыі пацыентаў, без перабольшання, ставяцца як да родных.” – А як да іншых грамадзянаў? Чаму сёння ўстановы аховы здароўя не могуць забяспечыць ні сучаснай дыягностыкай, ні сучаснымі лекамі іншых людзей, не чыноўнікаў і не ветэранаў?

• Месца выхаду: в. Старыя Ранчыцы, Бешанковіцкі раён
• Дата выхаду: 2019-04
• Рэдактар: Станкевіч Георгій
• Copyright: © 2019 by Крывінка
• Кнігазбор: Kamunikat.org