Крывінка 3 (121) 2013

Першага лютага горад Віцебск прымаў лепшых людзей 2012-га года. Заахвочванне званнем “Чалавек года” з’яўляецца адным з шоў, на якія існая ўлада вельмі шчодрая. Тут варта ўспомніць пра шматлікія “спаборніцтвы”, што арганізуюць для сялян на розных стадыях бітвы за ўраджай. Праўда, калі пераможцам тых спаборніцтваў даюцца часьцей за ўсё ганаровыя граматы і капеечныя прэміі, то “Чалавек года” атрымоўвае кругленькую суму. Ітолькі адзінкі з самых свядомых пускаюць тыя грошы на дабрачынныя мэты. Яшчэ летась “людзьмі года” ў нашым раёне прызнаваліся простая даярка з “Наватара” Галіна Таўсташова, якая надаіла амаль 7 000 кг малака на карову і жывёлаводка з “Палітаддзельца” Алена Муха, з амаль кілаграмовымі прывагамі. У раёнцы тады падкрэслілі, што “такія людзі з’яўляюцца залатым фондам нацыі”. Абедзьве жанчыны атрымалі па 10 мільёнаў прэміяльных і яшчэ ў студзені пазіралі з вялікага біг-борду блізу чашніцкага скрыжавання.

• Месца выхаду: в. Старыя Ранчыцы, Бешанковіцкі раён
• Дата выхаду: 2013-02-28
• Рэдактар: Станкевіч Георгій
• Copyright: © 2008-2013 by Крывінка
• Кнігазбор: Kamunikat.org