Крывінка 20 (60) 2009

Падзяка старшыні. Людзі на Бешанковіччыне жывуць цярплівыя. Яны прывыклі працаваць за так, яны прывыклі, што ўсе чыноўнікі да іх просьбаў глухія. Яны ведаюць, каб дастукац­ца да начальства і вырашыць нейкую пра­блему, трэба не адны боты стаптаць. Механізм вырашэння розных пытанняў сёння прыкладна такі. Пахадзіўшы па інстанцыях і атрымаўшы паўсюль або ад­мову, або абяцанкі-цацанкі, людзі звярта­юцца наўпрост да старшыні РВК. Той бярэ пытанне пад свой кантроль і, часцей за ўсё, дапамагае. Пагартайце старонкі раённай “Зары” і Вы атрымаеце пацверджанне маім словам. Старшыня дапамог спілаваць дрэ­ва… старшыня дапамог апусьціць шлюз на “Крывінцы”… старшыня дапамог засыпаць ямку… .Амаль усе раённыя службы не ро­бяць ані кроку без каманды старшыні РВК. Дык можа трэба ліквідаваць усе кіраўнічыя структуры, няхай рабочыя бяруць сабе “пуцёўкі” і пад’язджаюць наўпрост да РВК. Тут іх і накіруюць, куды трэба. “Не”,- кажуць знаўцы. Так нельга. Проста, сёння такі стыль работы ўсіх старшынь РВК па ўсёй Беларусі. Так як чыноўнікаў на службе ў Прэзідэнта хапае, кожны з іх атрымоўвае персанальнае даручэнне. І аналагічная сістэма кіравання гаспадаркай культывуецца сёння ў раёнах.

• Месца выхаду: в. Старыя Ранчыцы, Бешанковіцкі раён
• Дата выхаду: 2009-11
• Рэдактар: Станкевіч Георгій
• Copyright: © 2008-2010 by Крывінка
• Кнігазбор: Kamunikat.org