Крывінка 2 (103) 2012

Той, хто хоць крыху цікавіцца палітычнымі падзеямі, мае сёння добрую магчымасць параўнаць, як выбіраюць прэзідэнта ў Расеі з тым, як яго выбіраюць у нашай Беларусі. Пры ўсёй падобнасці гэтага працэсу, паміж нашымі краінамі існуюць і кардынальныя адрозненні. Па-першае і галоўнае, гэта падыход да асвячэння падзей сродкамі масавай інфармацыі, і ў першую чаргу тэлебачаннем. Хаця і ў Расеі можна заўважыць некаторы перакос у выдзяленні эфірнага часу на карысць Пуціна, астатнія кандыдаты ў прэзідэнты маюць таксама нядрэнную трыбуну. Пра іх штодзень распавядае дзяржаўнае тэлебачанне: дзе яны сёння былі, што наведалі, з кім размаўлялі. І ніхто з іх не выстаўляецца ворагам Расеі, ніхто не пазбаўляецца права на карыстанне дзяржаўным тэлебачаннем, якое ў Беларусі даўно і надоўга ператварылася ў орган, які абслугоўвае толькі аднаго чалавека. Акрамя некалькіх 30-хвілінных выступаў саміх кандыдатаў у прэзідэнты, пра нашых кандыдатаў у прэзідэнты дзяржаўныя (!!!) журналісты або зусім не ўспамінаюць, або выключна паклёпнічаюць.

• Дата выхаду: 2012-02
• Рэдактар: Станкевіч Сяргей
• Copyright: © 2008-2012 by Крывінка
• Кнігазбор: Kamunikat.org