Крывінка 18 (58) 2009

Мы і Эўропа. Калі параўноўваць жыццё з тым, якім яно было нядаўна, падасца, што яно кіпіць. Вось і ў нашым райцэнтры толькі сёле­та адрамантаваны аўтавакзал, даводзіцца да ладу будынак РДК, паднаўляюцца ці будуюцца ходнікі. Калі ж зірнуць на жыццё з іншага боку, (а менавіта, колькі нам трэба зрабіць, каб стаць хоць крыху падобнымі на Эўропу), то ахоплівае жах. Працуючы такімі тэмпамі, нават праз сотню гадоў нам наканавана заставацца задворкамі Эўропы. І прычына гэтаму нават не ў тэмпах работы, а ў тых аб’ёмах інвестыцый, якія асвойваюцца, і, адпаведна, у тых заробках, якія чыноўнікі дазва­ляюць зарабляць простаму чала­веку. Пакуль што яны страшэнна далёкія ад эўрапейскіх і не маюць ніякай тэндэнцыі да змен. Яшчэ больш уражваюць духоўная і палітычная сфе­ры жыцця. Абсалютная бед­насць у першай напрамую звязана з палітыкай знішчэння усяго беларускага, якая адкры­та праводзіцца на дзяржаўным узроўні. Магутны ідэалагічны прэс не дазваляе набраць моцы кволым расткам маладых пар­тый, грамадскіх рухаў. Здаецца, што тое напрамую не звязана з эканомікай і ўзроўнем жыц­ця людзей. Але гэта падманнае ўражанне. Толькі духоўна свабод­ны грамадзянін краіны здольны паказаць прыклад разняволенай працы і зможа дастойна зажыць не толькі сам, але і папоўніць бюджэт сваёй краіны.

• Месца выхаду: в. Старыя Ранчыцы, Бешанковіцкі раён
• Дата выхаду: 2009-10
• Рэдактар: Станкевіч Георгій
• Copyright: © 2008-2010 by Крывінка
• Кнігазбор: Kamunikat.org