Крывінка 10 (254) 2020

Выбары Прэзідэнта Рэспублікі Беларусь, якія маюць адбыцца 9-га жніўня, пакрысе пераўтвараюцца ў чыстую фармальнасць. Аб тым сведчаць усе дзеянні ўладаў, якія накіраваныя на захаванне існуючай улады і "гаранта стабільнасці" А.Лукашэнкі. Замест таго, каб правесці тыя выбары дэмакратычна, з захаваннем роўных умоваў для ўсіх удзельнікаў, улады скрозь ужываюць сілавыя метады. Супраць кандыдатаў у прэзідэнты былі сфабрыкаваныя справы, якія, відавочна, шытыя белымі ніткамі. Але тое не перашкодзіла Лукашэнку кінуць іх у турму. Пагадзіцеся, што ўмовы для тых кандыдатаў у прэзідэнты, якія сядзяць у турме не такія спрыяльныя, як у Лукашэнкі. Сілы міліцыі і АМОНу кінутыя ў Беларусі не дзеля захавання правапарадку, а дзеля ціску на грамадства, якое падтрымлівае іншых кандыдатаў. Напоўніцу працуе судовы канвеер. Кожны, хто нейкім чынам выказвае пратэст, атрымоўвае або штраф або турму. Усе без выключэння выбарчыя камісіі ў Беларусі цалкам сфармаваны з людзей, якія падтрымліваюць Лукашэнку. Пра тое сведчаць іхнія працоўныя месцы або назва арганізацыі, якая вылучыла члена камісіі. Што застаецца рабіць нам, простым грамадзянам, хто хоча пераменаў? Па-першае, мы не павінны ісці на выбары датэрмінова. А пра ўсе выпадкі загона на датэрміновае галасаванне паведамляйце на тэлефон рэдактара "Крывінкі", які ёсць у кожным нумары газеты.

• Месца выхаду: в. Старыя Ранчыцы, Бешанковіцкі раён
• Дата выхаду: 2020-06
• Рэдактар: Станкевіч Георгій
• Copyright: © 2020 by Крывінка
• Кнігазбор: Kamunikat.org