Крама OZ.by стала выдавецтвам і шукае маладых беларускіх аўтараў

2025-12-02 15:37

Вядомы інтэрнэт-рэсурс і сетка крамаў OZ. by абвясціла пра запуск уласнага выдавецтва, якое ўжо прымае рукапісы. Гэтая ініцыятыва стала магчымай дзякуючы паспяховага супрацоўніцтва з творчым аб’яднаннем «Шуфлядка пісьменніка», вынікам якога стаўся выхад кніг «(Не)зримая Беларусь» і «Крама Цудаў».

«Цяпер мы імкнемся пашырыць нашыя гарызонты і актыўна развіваць літаратурнае асяроддзе ў Беларусі. Наша галоўная мэта — падтрымка маладых беларускіх аўтараў, уклад у культуру краіны і адкрыццё новых імёнаў для нашых чытачоў. Мы ўпэўненыя, што кожны талент заслугоўвае быць пачутым», — тлумачаць будучыя выдаўцы.

У будучыні новае выдавецтва плануе друкаваць дзіцячыя кнігі, а таксама займацца перакладам і перавыданнем класічнай літаратуры. Цяпер складаюццарэдакцыйныя планы і вядуцца перамовы з аўтарамі.

OZ. by адкрыты для супрацоўніцтва і запрашае аўтараў-пачаткоўцаў адпраўляць свае рукапісы на электронную пошту books@oz.by.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк