Кніганоша 7

Уладзімір Арлоў: «Даўно не чытаў з такой асалодай...» – Шаноўны Уладзімір Аляксеевіч, нядаўна пабачыла свет Ваша новая кніга «Ля Дзікага Поля». Зборнік гэты адметны – у ім сабраныя Вашыя лепшыя мастацкія творы на гістарычную тэму, якія так палюбілі чытачы... А якой будзе Вашая наступная кніга, над чым Вы цяпер працуеце? – Дзякуй за добрыя словы пра кнігу маёй выбранай гістарычнай прозы. У гэтыя дні ейная назва набывае новыя канатацыі (сэнсы). Спадзяюся, наступнай маёй кнігай, што хочацца пабачыць як найхутчэй, будзе новае, вельмі значна – болей, чым удвая – дапоўненае выданне гістарычных апавяданняў для дзяцей «Адкуль наш род». Павінен жа быў нехта даступнымі словамі распавесці малым чытачам пра рэчы, ад якіх іхнія цнатлівыя душы клапатліва бераглі. Пра беларусізацыю 1920-х. Пра апетае зламаным Купалам калгаснае «шчасце». Пра «чорных воранаў» і Курапаты. Пра тое, чаму так падобныя назвы Катынь і Хатынь. Пра Саюз беларускіх патрыётаў і Беларускую Майстроўню. Пра будаўніцтва «свет лай будучыні – камунізму», што пачалося й скончылася дармовым хле бам з гарчыцаю ў сталоўках. Пра часы Машэрава, калі ў нашых гарадах зачынілі апошнія беларускія школы, затое жыхары БССР мелі кілбасу (якую, дарэчы, нязменна адмаўляўся есці вясковы кот маёй бабулі).

• Месца выхаду: Мінск
• Дата выхаду: 2011-01
• Рэдактар: Сачанка А.
• Выдавец: МГА ЗБС Бацькаўшчына, ГА Саюз беларускіх пісьменннікаў
• Copyright: © 2011 by Кніганоша
• Кнігазбор: Kamunikat.org