Кніганоша 5

Міхась Скобла: «Люблю чытаць паэзію...» – Паважаны спадар Міхась, да 100-годдзя з дня нараджэння Ларысы Геніюш у выдавецтве «Лімарыус» выйшаў двухтомавік нашай славутай паэткі, укладальнікам якога былі Вы. Чым адметная для Вас асабіста была праца над гэтым зборам? – Адметная найперш новымі знаходкамі. Да 100годдзя Ларысы Ге ніюш мною быў фактычна падрыхтаваны трохтомавік паэткі і асобна – зборнік успамінаў. На жаль, на складаным шляху да варштата Скарыны ўжо набраныя тэксты давялося размяркоўваць у двухтомавік і біяграфічны альманах «Асоба і час». І гэта мне далося няпроста. Як ні размяркоўваў, а ўсё роўна засталося твораў на яшчэ адзін том. Але і ў выдадзеных кнігах шмат што апублікавана ўпершыню – 74 вершы, каля 300 лістоў, апавяданні, абразкі… Па натуры я – не архіўны крот, і сядзець з ранку да вечара ў архіве не магу. Ды і часу да юбілею заставалася мала. Таму працаваць даводзілася хутка. Мілыя спадарыні з аддзела рэдкіх кніг і рукапісаў Акадэмічнай бібліятэкі, мабыць, на мяне трохі сердавалі, калі я за некалькі гадзінаў паспяваў замовіць з паўсотні тэчак. А ім жа пасля трэба праверыць кожны аркуш… Дзякуй ім за спрыянне і цярплівасць! Каб паспець з наборам геніюшаўскага эпісталярыю, набіралі з жонкай па начах – у чатыры рукі.

• Месца выхаду: Мінск
• Дата выхаду: 2010-10
• Рэдактар: Сачанка А.
• Выдавец: МГА ЗБС Бацькаўшчына, ГА Саюз беларускіх пісьменннікаў
• Copyright: © 2010 by Кніганоша
• Кнігазбор: Kamunikat.org