Кіраўніцтва па арганізацыі школ па правах чалавека

Ужо дзесяць гадоў Нарвежскі Хельсінкскі камітэт праводзіць школы па правах чалавека для моладзі ва ўзросце ад 16 да 20 гадоў1. Школа па правах чалавека звычайна працягваецца ад сямі да дзевяці дзён і збірае каля 20–25 удзельнікаў. Часта гэта маладыя людзі з рознымі культурнымі, этнічнымі, рэлігійнымі або нацыянальнымі каранямі, якія пражываюць разам у перыяд правядзення школы. Асноўнымі тэмамі школы па правах чалавека з’яўляюцца правы чалавека, міжкультурнае ўзаемаразуменне і вырашэнне канфліктаў. Гэтыя тэмы вывучаюцца праз практыкаванні, даклады, абмеркаванні і тэатральныя пастаноўкі. Педагогіка ўдзелу чырвонай ніткай праходзіць праз увесь адукацыйны працэс. Не менш важнае значэнне, чым уласна веды, маюць працэсы, якія развіваюцца ў асяродку гэтых маладых людзей. Гэта і ёсць ≪навучанне справай≫ на практыцы. Яго мэта – распаўсюдзіць веды, сфарміраваць станоўчыя адносіны і гатоўнасць да дзеянняў. Школы з’яўляюцца важным інструментам стварэння мірнага дэмакратычнага грамадства, у якім паважаліся б правы чалавека.

• Месца выхаду: Осла, Мінск
• Дата выхаду: 2009
• Выдавец: The Norvegian Helsinki Committee
• Катэгорыя: Правы чалавека, Грамадзтва
• Кнігазбор: Kamunikat.org