«Караткевіч-мастак»: музейны праект да 95-годдзя класіка адкрыўся на яго радзіме

2025-11-10 16:25

У межах імпрэзаў да юбілею Уладзіміра Караткевіча, класіка беларускай літаратуры і славутага земляка, Аршанскі музей Уладзіміра Караткевіча падрыхтаваў адмысловы анлайн-праект «Караткевіч — мастак».

Літаратар стварыў шмат малюнкаў: жартаўлівыя сюжэтныя замалёўкі ён пакідаў на палях рукапісаў, у запісных кніжках, у лістах да сяброў, у канспектах лекцый падчас студэнцтва. Гэта сяброўскія шаржы, аўташаржы, а часам і гумарыстычныя тэксты з ілюстрацыямі.

Фота: orsha.museum.by

На сённяшні дзень у спадчыне Уладзіміра Караткевіча налічваецца больш за 600 малюнкаў. Некаторыя з іх захоўваюцца і на ягонай малой радзіме — у фондавых зборах установы культуры «Музейны комплекс гісторыі і культуры Аршаншчыны». Яны і сталі асновай анлайн-выставы, падрыхтаванай Аршанскім музеем Уладзіміра Караткевіча.

Фота: orsha.museum.by

Адначасова Музей Караткевіча запрашае наведаць выставу, у якой адкрывае свае фонды. У экспазіцыі пакажуць прадметы гардэроба пісьменніка, асабістыя дакументы, малюнкі, лісты да родных і сяброў, рукапісы вершаў, першыя часопісныя і кніжныя публікацыі знакамітых твораў і рэдкія фотаздымкі. Дапоўняць дадзены шэраг прадметаў ілюстрацыі да такіх твораў, як «Дзікае паляванне караля Стаха», «Чазенія», «Ладдзя Роспачы».

Улaдзiмip Kapaткeвiч нарадзіўся 26 лicтaпaдa 1930 гoдa ў гopaдзe Opшa. У гэтым месяцы спаўняецца 95 гадоў з дня яго нараджэння.

Крыніца: REFORMATION

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк