Імпрэзы ў гомельскім грамадска-палітычным цэнтры праводзіцца не будуць

2020-05-31 22:13

:/:

У сувязі з эпідэміяй каронавірусу масавыя мерапрыемствы ў грамадска-палітычным цэнтры па вуліцы Палеская,52 да канца года праводзіць не плануецца.

Пра гэта паведаміў гомельскі палітык Уладзімір Кацора, які з’яляецца кантактам першага ўзроўню:

– Я больш арыентаваўся на такія масавыя сустрэчы: правядзенне імпрэзаў, сустрэч, вечароў, вечарын. Гэта патрабуе больш-менш масавага збору людзей. Зразумела, што ў гэтых умовах, пакуль эпідэмія ў разгары, то, канешне ж, мы не можам праводзіць масавыя мерапрыемствы.

Грамадска-палітычны цэнтр па вуліцы Палеская, 52 вядомы правядзеннем розных грамадска-палітычных і культурніцкіх мерапрыемстваў. Сярод іх – канцэрты гурту НРМ, барда Вайцюшкевіча, сустрэча з нобелеўскай лаўрэаткай Святланай Алексіевіч. А таксама там праходзілі Дні волі, збор подпісаў з патрабаваннем адмяніць Дэкрэт аб дармаедах, а падчас выбараў знаходзіліся штабы кандыдатаў.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк