Іконы з царквы ў Самагрудзе трапілі ў рэестр помнікаў каштоўнасцяў

2020-05-07 19:51

:/:

У невялікай царкве, якая месціцца побач польска-беларускай мяжы, што ў Сакольскім павеце, захаваліся тры ўнікальныя іконы.

Гэта ікона Збавіцеля Свету, Дванаццаці святаў, а таксама ікона Св. Прарока Іллі і Марыі Егіпцянкі.

Як гаворыць настаяцель прыхода айцец Адрыян Харытанюк, іконы з’яўляюцца неадʼемнай часткай мінуўшчыны прыхода:

– Кожны індывідуальна да гэтага падыходзіць, але я думаю, што калі яны намоленыя царквой, то не важна ці яны ўніяцкія, ці яны праваслаўныя. Унія і праваслаўе – гэта было для людзей, якія тут жылі і жывуць дагэтуль. Была невялікая розніца, яны не звярталі на гэта ўвагі, а хадзілі памаліцца ў царкву. І не было напісана на царкве ці яна праваслаўная, ці ўніяцкая.

З узнікненнем парафіі ў Самагрудзе звязаная легенда, якая тлумачыць зʼяўленне царквы ў гэтым месцы. Паводле старажылаў, яна была пабудаваная на сродкі заможнага чалавека, якога ад смерці выратавалі мясцовыя людзі.

Уля Шубзда, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк