Газета Слонімская 39 (590) 2008

Прысуд не абскарджвалі У ліпені гэтага года мы пісалі аб судовым працэсе над сланімчанкамі Галінай Адамовіч і Валянцінай Ушкар, якія ў свой час пакінулі без грашовых зберажэнняў не ў меру даверлівых слонімцаў і жыхароў некаторых іншых населеных пунктаў нашай краіны. Гучная ў нашым горадзе справа, якая сярод пацярпелых і ахоўнікаў правапарадку атрымала неафіцыйную назву “слонімская піраміда”, завяршылася прысудам 8 жніўня. Раённы суд прызнаў Галіну Адамовіч і Валянціну Ушкар вінаватымі ў завалодванні чужой маёмасцю шляхам падману і злоўжывання даверам, здзейсненым арганізаванай групай і ў асабліва буйным памеры — ч. 4 арт. 209 КК Рэспублікі Беларусь. Галіна Адамовіч была асуджана на 8 гадоў пазбаўлення волі ў калоніі агульнага рэжыму, а Валянціна Ушкар атрымала 7 гадоў зняволення ў такіх жа ўмовах. Унушальнымі ў гэтай справе выглядаюць сумы задаволеных судом іскаў пацярпелых аб спагнанні з асуджаных матэрыяльных і маральных стратаў. Так, Адамовіч і Ушкар салідарна павінны сплаціць 22 чалавекам матэрыяльныя страты на агульную суму 216 828 650 рублёў, дзе найбольшая сума задаволенага судом іску аднаго з пацярпелых складае 34 198 200 рублёў, а найменшая — 1 266 000 рублёў.

• Месца выхаду: Слонім
• Дата выхаду: 2008-09-24
• Рэдактар: Валадашчук Віктар
• Copyright: © 2008 by Газета Слонімская
• Кнігазбор: Kamunikat.org
• Дадатковая даведка: Аўтары апублікаваных матэрыялаў адказваюць асабіста за падбор і дакладнасць фактаў, іх меркаванні могуць не супадаць з поглядам рэдакцыі. Рэдакцыя не вядзе перапіскі з чытачамі і пакідае за сабою права рукапісы не рэцэнзаваць і не вяртаць. Рэдакцыя таксама не адказвае за змест рэкламы; Юрыдычны адрас: 231800, г. Слонім, вул. Брэсцкая, 109а, кв.12; для карэспандэнцыі: 231799, г. Слоним-9, а/я 32. Выданьне публікуецца тут за ласкавай згодай Рэдакцыі