Гасцінец 6 (125) 2011

Ці адзіны мы ў ацэнцы дзеянняў уладаў па вядзенню крымінальнага працэсу супраць падазраваных? Здаецца, вельмі хутка знайшлі галоўнага падазраванага ў справе. Але не зусім стыкуюцца сцвярджэнні аб яго “унікальнай” хімічнай падрыхтоўцы з пасрэднымі адзнакамі ў пасведчанні і атэстаце сталасці. Выклікае пытанне сцвярджэнне, што “лабараторыя” па вырабу бомбы была ў сырым падвале віцебскага пяціпавярховіка. Не зусім зрамела і “унікальнасць” бомбы, якую зрабілі зыходзячы з рэкамендацый, атрыманых з інтэрнэту. Па гэтых і іншых пытаннях адносна выбуху і яго наступстваў у грамадстве няма адзінства. Няма дарэчы і адзінства наконт базавых каштоўнасцяў, якія робяць адзіным народ. Да гэтага часу наш народ падзелены на тых, хто ведаю сваю гісторыю з Вялікай Айчынай вайны і тых, хто адлічвае сваю спадчыны з часоў Еўфрасінні Полацкай і Ўсяслава Чарадзея. Наш народ падзелены на тых, хто прызнае толькі існуючы дзяржаўны чырвона-зялёны сцяг і тых, хто шануе гістарычны нацыянальны бел-чырвона-белы сцяг. Наш народ падзелены на тых, хто бачыць шчасце ў савецкім адыйшоўшым мінулым і тых, хто жадае быць у адзінай сям’і еўрапейскіх народаў.

• Месца выхаду: Гарадок
• Дата выхаду: 2011-04
• Рэдактар: Гаравы Леанід
• Copyright: © 2007-2011 by Гасцінец
• Кнігазбор: Kamunikat.org