Гасцінец 5 (102) 2010

“Вырабы” дэпутатаў. Фінішуе выбарчая кампанія ў мясцовыя Саветы. Кампанія праводзіцца з улікам касме­тычных зменаў, унесеных у Выбарчы кодэкс. Зменаў, якія пакінулі існуючаму рэжыму маг­чымасць маніпуляцыі з нормамі заканадаўства дзеля рэальнага выключэння апазіцыі з падліку галасоў. Зменаў, якія па раней­шаму пазбаўляюць назіральнікаў права бачыць рэальны падлік галасоў праўладнымі ўчастковымі камісіямі. Паводзіны выканаўчай ула­ды пры фарміраванні выбарчых камісій засведчылі, што улады не жадаюць праводзіць дэмакра­тычныя, свабодныя выбары. Не жадаюць ніякім чынам падзяліць у выніку іх адказнасць з дэмакра­тычнай апазіцыяй за стан спраў у краіне. Улады поўнасцю бяруць на сябе адказнасць за ўсе памылкі, парушэнні заканадаўства пры вядзенні выбарчай кампаніі, а таксама за неадэкватны курс развіцця краіны. Пры захаванні гэ­тай палітыкі А. Лукашэнка проста застанецца кіраўніком краіны без легітымнага абрання прэзідэнтам. Магчыма, гэта і задавальняе ма­ладога бацьку, які ужо паабяцаў наведаць Венесуэлу летам 2011 года, як кіраўнік Беларусі.

• Месца выхаду: Гарадок
• Дата выхаду: 2010-03
• Рэдактар: Гаравы Леанід
• Copyright: © 2007-2010 by Гасцінец
• Кнігазбор: Kamunikat.org