Гасцінец 21 (96) 2009

Адпавядаць патрабаванням сучаснасці. Сярод краін Усходняй Еўропы па ментальнасці нам бліжэй за ўсё чэхі. Гэта блізасць нараджаецца і з таго, што ў Чэхіі насельніцтва крыху больш 10 мільёнаў – амаль як на Беларусі. Гэта блізасць сілкуецца і тым, што многія дзеячы беларускага вызва­ленчага руху: Пётра Крычэўскі, Васіль Захар­ка, Ларыса Геніюш, Міхаіл Забэйда-Суміцкі і іншыя звязалі свой лёс з Прагай і менавіта ад чэшскага народу атрымалі падтрымку ў ліхія гады. Гэта блізасць наканавана і падобным гістарычным лёсам, калі чэхі вымушаны былі змагацца з нямецкай каланізацыяй і адрад­жаць мову, культуру пасля нямецкай навалы падобна таму, што беларусы зараз зведва­юць з боку расейцаў. Ды і сучасныя чэшскія кіраўнікі добра ведаюць праблемы Беларусі. Першы дэмакратычны прэзідэнт Чэхіі Вацлаў Гавэл сваю міжнародную прэмію за праваа­барончую дзейнасць аддаў рэдакцыі першай беларускай газеты “Наша Ніва”, а таксама па­стаянна падтрымлівае дзейнасць беларускіх дэмакратычных сілаў сваім міжнародным аўтарытэтам. Па запрашэнню чэшскіх сяброў мне давя­лося ўжо некалькі разоў пасля звальнення з працы пабываць у Чэхіі, вывучаць досьвед чэшскай трансфармацыі ад таталітарызму да дэмакратыі. За часу наведвання сустракаўся з самымі рознымі дзяржаўнымі службоўцамі, кіраўнікамі грамадскіх арганізацый, асацыя­цый, цэнтраў у розных чэшскіх гарадах. Кож­ная сустрэча была па свойму адметнай. І калі знаёміўся з працай Звяза чэшскіх гарадоў і мест, і калі сустракаліся з прадстаўнікамі арганізацый па рэгіянальнаму развіццю, і калі наведвалі

• Месца выхаду: Гарадок
• Дата выхаду: 2009-12
• Рэдактар: Гаравы Леанід
• Copyright: © 2008-2010 by Гасцінец
• Кнігазбор: Kamunikat.org