Гасцінец 2 (155) 2013

Беларускі аўтарытарны рэжым на дваццатым годзе свайго існавання працягвае закручваць “гайкі”. Першы месяц новага году адзначыўся паказальнымі працэсамі па абмежаванню праў актывістаў. Па тэлефонна­му праву былі прыцягнуты да адміністратыўнай адказнасці Анатоль Лябедзька за раздачу партыйнай газеты, гродзенскія актывісты “Вясны”, Сяргей Мала­шэнак з Наваполацку за размяш­чэнне ў інтэрнэце фотаздымкаў аб салідарнасці з палітвязнем Алесем Бяляцкім. Відавочна, што рэжым узяў курс на пераслед публічнага іншадумства ў розных праяўленнях. Анатоль Лябедзька 19 снеж­ня каля Камароўскага рынка раздаваў інфармацыйныя матэ­рыялы аб пазіцыі партыі наконт прыватызацыі. Працэс разда­чы матэрыялаў здымалі людзі ў цывільным, ніякіх заўваг ад міліцыянтаў ля Камароўкі не было. Але ужо перад новым го­дам Лябедзька атрымаў факс, што выклікаюць у міліцыю. У той час Анатоль быў хворы і аб гэтым паведаміў у пісьмовым адказе.

• Месца выхаду: Гарадок
• Дата выхаду: 2013-02
• Рэдактар: Гаравы Леанід
• Copyright: © 2007-2013 by Гасцінец
• Кнігазбор: Kamunikat.org