Гасцінец 16 (91) 2009

Дапамажы слабаму. Сярод яркіх асаблівасцей амерыканскага ладу жыцця асаблівай пазіцыяй стаіць валанцёрскі рух. Хрысціянскія ідэі дабрачыннасці маюць шматве­кавую традыцыю і сілкуюцца сучасным штодзённым валан­цёрствам мільёнаў простых і багатых амерыканцаў. Дапа­мога хвораму, слабаму, мала­маёмаснаму грамадзяніну ў ЗША ўзведзена ў культ нацыя­нальнай традыцыі. Слабым дапамагаюць ежай, адзеннем, грашыма, парадамі і г.д. Дапа­магаюць тыя, хто гэта ўжо ўсё мае. Гэта традыцыя дзейнічае праз сетку валанцёрскіх цэнтраў, дзе магчыма атры­маць інфармацыю аб тым, каму патрэбна дапамога ў мікрараёне, горадзе. Мы былі ў валанцёрскім цэнтры “Аб’яднаны шлях”, дзе маец­ца даведнік з некалькі соцен дабрачынных арганізацый з пералікам паслуг па валантэр­ству якія яны аказваюць. Так­сама для грамадзян маюцца праграмы навучання валан­цёрству.

• Месца выхаду: Гарадок
• Дата выхаду: 2009-09
• Рэдактар: Гаравы Леанід
• Copyright: © 2008-2010 by Гасцінец
• Кнігазбор: Kamunikat.org