Гасцінец 16 (315) 2021

У 2014 годзе было зроблена сучаснае асвятленне па вуліцы Савецкай у Гарадку. Колькі ж дзеючых ліхтароў на гэтай вуліцы засталося праз семь гадоў?.. Пад час абласных «Дажынак-2014» цэнтр Гарадка быў значна адрамантаваны і дабраўпарадкаваны. Дабраўпарадкавалі і вуліцу Савецкую. На гэтай вуліцы, праз якую ідуць масавыя шэсці пад час святаў, усталявалі сучасныя ліхтары рознай вышыні і рознай колькасці. Тады устанавілі на вуліцы аж 124 ліхтара групамі па два і чатыры, а таксама і адзінкавыя ліхтары. Цяпер зімой найбольш бачна становішча з асвятленнем на Савецкай. Асабліва гэта датычыцца іх дзейнасці пад час святочнага шэсця Дзедаў Марозаў і Снягурак, якое традыцыйна праходзіць перад днём вызвалення Гарадка. Толькі зараз асвятленне вуліцы мінімальнае. На ўсю вуліцу на пачатку снежня было толькі 11 (!) дзеючых ліхтароў са 124 усталяваных. А што астатнія? Астатнія 113 (!) ліхтароў або не працуюць, або разбіты. Найбольшая частка паламаных ліхтароў на ўчастку ад цэнтральнай плошчы да вуліцы Валадарскага: каля кулінарыі і г.д. Тут ліхтары да трох метраў. Але пашкоджаны і высокія ліхтары на пачатку вуліцы Савецкай — недалёка ад санстанцыі і царквы. Відавочна, што гэта справа мясцовых маладых вандалаў. Гэтыя вандалы кепска выхаваны ў сям’і, не ведаюць пра рэальны кошт ліхтароў і не ўмеюць клапаціцца пра грамадскую маёмасць.

• Месца выхаду: Гарадок
• Дата выхаду: 2021-12
• Рэдактар: Гаравы Леанід
• Copyright: © 2021 by Гасцінец
• Кнігазбор: Kamunikat.org