Гасцінец 15 (90) 2009

Абяцаюць захаваць гістарычную адметнасць. Аддзел культуры Віцебскага аб­лвыканкама мяркуе, што новыя гаспадары гістарычнага будынка – паштовай станцыі захаваюць яе архітэктурную адметнасць. Актывіст Руху «За свабоду» Леанід Гаравы атрымаў адказ на свой зварот да старшыні віцебскага аблвыканкама А. Косінца наконт за­хавання гістарычнага помніка – паш­товай станцыі ў Гарадку. Адказ па­дрыхтаваны спецыялістамі аддзела культуры Віцебскага аблвыканкама і не ўтрымлівае ніякіх гарантый на­конт надання паштовай станцыі ста­туса помніка гістарычнай спадчыны, ахоўваемага дзяржавай. Сёння у гэтага помніка быц­цам бы з’явіўся новы уласнік - Гарадоцкі праваслаўны прыход, які ужо пачаў праводзіць у пашто­вай станцыі службы. Для вернікаў мікрараёна гэта пэўная палёгка, якім ў сваім шаноўным узросце цяж­кавата дабірацца да цэнтральнай царквы. Але ўлады і вернікі робяць не лепшую справу, калі парушаюць архітэктуру гістарычнага помніка. На здаровы розум на скрыжаванні вуліц Невельская шаша і Галіцкага даўно была магчымасць пабудаваць царкоўку, якая пасавала б паўночнай частцы Гарадка, куды б маглі на­ведвацца вернікі з мікрараёна Гага­рына і прылеглых вуліц.

• Месца выхаду: Гарадок
• Дата выхаду: 2009-09
• Рэдактар: Гаравы Леанід
• Copyright: © 2008-2010 by Гасцінец
• Кнігазбор: Kamunikat.org