Гасцінец 13 (75) 2008

Віцебскі старшыня не задаволены папярэднікам. Аляксандар Косінец мусіў канстата­ваць, што праца пад кіраўніцтвам яго­нага папярэдніка была недастатковай, а часам і нездавальняючай. Як зазвычай, пад Новы год па ўсёй краіне падводзяцца вынікі за 12 мінулых месяцаў ды праходзіць разьмеркавань­не бюджэтных сродкаў на чарговы га­давы пэрыяд. На Віцебшчыне склалася ўнікальная сытуацыя: са справаздач­ным дакладам перад дэпутатамі аб­лсавету выступаў старшыня аблвыкан­кама Аляксандар Косінец, прызначаны на гэтую пасаду каля месяца таму. І ён мусіў канстатаваць, што праца пад кіраўніцтвам ягонага папярэдніка была недастатковай, а часам і нездавальняю­чай. Перадусім, на думку Аляксандра Косінца, вінаватая кадравая прабле­ма. Паводле падлікаў адмыслоўцаў, у сельскагаспадарчым комплексе вобласьці бракуе больш за тысячу некваліфікаваных працаўнікоў і больш за 250 спэцыялістаў з вышэйшай адукацы­яй. Паводле новага губэрнатара, людзі , асабліва маладыя, ня хочуць працаваць на вёсцы, бо ім плацяць дужа нізкія заробкі, а таксама не заўжды забясь­печваюць жытлом.

• Месца выхаду: Гарадок
• Дата выхаду: 2008-12
• Рэдактар: Гаравы Леанід
• Copyright: © 2008-2010 by Гасцінец
• Кнігазбор: Kamunikat.org