Гасцінец 01 (120) 2011

Прэзідэнская кампанія завяршылася брутальным разгонам мірнага пратэсту грамадзян супраць фальсіфікацыі вынікаў падліку галасоў, а таксама масавым зняволеннем кандыдатаў у прэзідэнты ў вязніцу КДБ. Такое завяршэнне выбарчай кампаніі не было ні ў воднай краіне свету, каб рэжым кідаў за краты дзеючых кандыдатаў яшчэ да абвяшчэння вынікаў кампаніі. Палітолагі далі свае ацэнкі гэтых неадэкватных дзеянняў кіраўніка краіны, які ўзяў на сябе адказнасць за крывавыя снежаньскія падзеі. Сярод гэтых ацэнак галоўная ў тым, што пераможца, які чэсна набірае 80% галасоў ніколі не будзе дубінкамі збіваць сваіх апанентаў на вачах усяго свету. Праўда палягае у тым, што гэтых намаляваных лічбаў не было ў бюлетэнях, якія павінны былі б лічыць камісіі, а не рабіць з імі маніпуляцыі на вачах нацыянальных і міжнародных назіральнікаў. Праўда палягае у тым, што 20 снежня дзеючыя кандыдаты ў прэзідэнты запатрабавалі б перападліку галасоў і правядзення другога туру выбараў. І пры адкрытым, галосным падліку галасоў адкрылася б рэальная карціна народнага волевыяўлення.

• Месца выхаду: Гарадок
• Дата выхаду: 2011-02
• Рэдактар: Гаравы Леанід
• Copyright: © 2007-2011 by Гасцінец
• Кнігазбор: Kamunikat.org