Гародня: Справу Грыгенчы адправілі на дапрацоўку

2020-09-02 18:51

:/:

Справу грамадскага актывіста, сябра Аб’яднанай Грамадзянскай Партыі Ежы Грыгенчы суд Кастрычніцкага раёну Гародні адправіў на дапрацоўку.

Сам Ежы быў здзіўлены гэтай сітуацыяй:

– Калі прыйшоў туды, было шмат інфармацыі, што будзе мой суд. Выйшаў міліцыянер, паклікаў мяне і сказаў, што са мной хоча сустрэцца суддзя Радзюк. Ён выйшаў і аб’явіў, што справа накіравана на дапрацоўку. І мяне будуць выклікаць у Кастрычніцкі РАУС. І на гэтым усё закончылася.

Нагадаем, грамадскага актывіста збіраліся судзіць за сітуацыю, якая адбылася 19 жніўня 2020 году каля тытунёвай фабрыкі ў Гародні. Тады гарадзенцы прыйшлі сустракаць супрацоўнікаў фабрыкі, але ніхто з-за брамы фабрыкі не выйшаў. Міліцыя палічыла гэтую сітуацыю несанкцыянаванай акцыя, і на актывістаў выпісалі пратакол і позву ў суд Кастрычніцкага раёну гораду.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк