Дзяніс Лісейчыкаў: Культ святой Еўфрасінні Полацкай аднавілі базыльяне

2020-06-06 12:57

:/:

Шанаванне святой Еўфрасінні Полацкай да XVII стагоддзя не было масавым. Яе культ, як апякункі беларускіх земляў, аднавілі базыльяне.

Кажа гісторык, намеснік дырэктара Нацыянальна-гістарычнага архіва Дзяніс Лісейчыкаў:

– Напрыклад, у сямнаццатым стагоддзі базыльяне паспрабавалі рэанімаваць культ святой Еўфрасінні Полацкай. Нам здаецца, што была такая святая ў Полацку і ўвесь час быў яе культ. Насамрэч не, ён такім паўсюдным пачаў рабіцца з сямнаццатага стагоддзя з падачы базыльянаў. Нават у нас, у Менску, у пэўны час, праўда, нядоўга ў сямнаццатым стагоддзі існавала царква святой Еўфрасінні Полацкай, якая была пасля разбураная.

Найбольш вядомыя манастыры ўніяцкага ордэна базыльянаў знаходзіліся ў Жыровічах і Супраслі. Базыльяне — уніяцкі манаскі ордэн на тэрыторыі Першай Рэчы Паспалітай, які разгарнуў сваю дзейнасць у пачатку сямнаццатага стагоддзя.

Максім Каўняровіч, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк