Дзвінскі ўзгорак 8 (42) 2016

Казаць пра дрэнныя якасьці пэўнага народу – справа няўдзячная ў розных сэнсах. Асабліва прыкра казаць пра тое, калі такая характарыстыка тычыцца таго народу, да якога ты ў дадатак яшчэ і належаш. Прыкра ня толькі тое ўсведамляць, але стакроць прыкра разумець, што гэты народ пра тое не задумваецца ды нешта зьмяняць у сваім жыцьці не збіраецца. Ну, вось у хуткім часе «грошы заменяць», «лета нарэшце прыйшло», «трускалкі вось-вось саспеюць», «Лукашэнка толькі дрэнны», «лепей бы ўжо нас Пуцін забраў», «піндосы праклятыя Ўкраіну захапілі» - вось ён найпрасцейшы набор штампаў народнага разважання пра рэчаіснасць. Не, канечне, у залежнасьці ад стану асобы ён можа быць крыху шырэйшым, крыху глыбейшым, крыху разумнейшым... Але колькі людцаў знойдуцца, у якіх гэты набор будзе ўтрымліваць гэткія каштоўнасці, як свабода, правы чалавека, госпад, зямля абяцаная...

• Месца выхаду: Віцебск
• Дата выхаду: 2016-05-30
• Рэдактар: Смолікаў Канстанцін
• Copyright: © 2016 by Дзьвінскі Узгорак
• Кнігазбор: Kamunikat.org