Дзвінскі ўзгорак 5 (92) 2019

На сайце генератара петыцый petitions.by створаны запіс аб адстаўцы рэктара Віцебскага дзяржуніверсітэта Аляксея Ягорава. Кожны грамадзянін можа паставіць свой подпіс ў патрымку звароту. На думку аўтара пэтыцыі, сябра ПБНФ і Руха “За Свабоду” Хрыстафора Жаляпава пасаду рэктара беларускай ВНУ ня можа займаць чалавек, са згоды якога сярод студэнтаў прапагандуюцца ідэі «русского мира». У пэтыцыі нагадваюцца падзеі сёлетняга Міжнароднага дня матчынай мовы, які адзначаўся 21 лютага. У праграме мерапрыемстваў ВДУ не было ніводнага слова па-беларуску. Затое ўсе імпрэзы, падрыхтаваныя катэдрай сусьветных моваў, праходзілі ў межах праекту «Твой мир — навек моя обитель», які рэалізуецца культурна-асьветніцкім таварыствам «Продвижение» пры падтрымцы фонду «Русский мир». Гэтай катэдрай кіруе Ірына Зайцава, якая пераехала ў Віцебск з Луганску, дзе была функцыянэркай Луганскага абласнога Расейскага цэнтру, узначальвала Ўкраінска-расейскі саюз, супрацоўнічала з «Русским блокам» і «Русским движением», неаднаразова называла сябе абаронцай «русского мира» і расейскай мовы.

• Месца выхаду: Віцебск
• Дата выхаду: 2019-03
• Рэдактар: Смолікаў Канстанцін
• Copyright: © 2019 by Дзвінскі ўзгорак
• Кнігазбор: Kamunikat.org