Дзвінскі ўзгорак 10 (152) 2022

Віцебскі музыка і арт-менеджэр быў затрыманы 6 ліпеня ў райцэнтры Сянно, дзе меўся выступаць на канцэрце «Купальскае кола». Паводле відавочцаў, затрымлівалі Булаўскага без тлумачэнняў: да яго проста падышлі два чалавекі ў цывільным і нібыта павезлі ў Віцебск. Ягоны тэлефон не адказвае дагэтуль. Судовы працэс прайшоў у судзе Чыгуначнага раёну, але трапіць туды сябры Булаўскага не здолелі. Даведацца ўдалося толькі пра вынік: 30 сутак арышту за парушэнне парадку арганізацыі і правядзення масавых мерапрыемстваў (арт 24.23 КаАП). За якое канкрэтна парушэнне асуджаны Уладзімір Булаўскі, не ведаюць нават тыя ягоныя сябры, якія бачылі ягонае затрыманне. Яно адбылося 6 ліпеня ў райцэнтры Сянно, дзе віцебскі музыка і арт-менеджэр планаваў выступіць на канцэрце «Купальскае кола». «Да яго мэтанакіравана падышлі двое мужчын у цывільным і затрымалі», – распавялі відавочцы. Мінулы раз Уладзімір Булаўскі быў затрыманы 27 лютага і асуджаны на 15 сутак паводле таго самага артыкула 24.23 КаАП.

• Месца выхаду: Віцебск
• Дата выхаду: 2022-07
• Рэдактар: Смолікаў Канстанцін
• Copyright: © 2022 by Дзвінскі ўзгорак
• Кнігазбор: Kamunikat.org