Дуброўскі настрой 100

Чытачу, ты трымаеш у руках соты нумар народнага баявога лістка- саматужнага выдання, якое ўзьнікла неяк само сабою дзевяць год таму. Дзевяць год таму становішча ў Дуброве было трошкі іншае. Нас было болей. За гэты час шмат дуброўцаў, добрых беларусаў, пайшлі ад нас. У Дуброве перастаюць нараджацца дзеці. Школа, якая ўзьнікла сто дваццаць год таму і спраўна служыла людзям, зьнікае відзя. Моладзь эмігруе ў гарады. Дзевяць год таму дуброўцы гаравалі на ўкрадзенай у іхніх продкаў зямлі на дзяржаву, якая ім амаль нічога не плаціла. Сёння яны гаруюць на ўкрадзенай у іхніх продкаў зямлі, але дзяржава знайшла крыніцу дафінансавання і грошай трохі паболела, ды сфармаваная на камуністычным прыгоне і на кражы агідная сістэма не зьмянілася. Дзевяць год таму ужо пачалося паляванне на беларускую нацыю. Пачалося вынішчэнне вольнага беларускага друку, тэлебачанне пачало гідаваць нашу мову, а дыктатар і ягоная хеўра мацавалі латвей свае ўчэпістыя ручкі на беларускім грамадзтве.

• Месца выхаду: Дуброва, Парыцкі павет
• Кнігазбор: Kamunikat.org