Дняпроўская Строма 16

Для чытацкай грамадскасці Іван Аношкін вядомы як сатырык і гумарыст. Першую кніжку гумарэсак і сатырычных апавяданняў “Лішні мінус” ён выдаў больш за паўстагоддзя таму, у 1959 годзе. Пасля былі кнігі “Старыя знаёмыя” (1963), “Брантазаўр” (1973), “Херувім з чорнымі крыламі” (1984), “Курам не да смеху” (1985), “Каханне з памялом” (2007). Яны трывала ўвайшлі ў фонд гэтага даволі дэфіцытнага празаічнага жанру, запатрабаваныя і сучасным чытачом. Маюць сваю трывалую нішу ў літаратурным працэсе не толькі Магілёўшчыны і эпічныя творы, у якіх адбіліся надзённыя праблемы беларускага жыцця другой паловы мінулага стагоддзя. У асноўным яго творы мелі этычна-маральны пафас, выкрывалі ў душах людзей нізкія выявы мяшчанскай псіхалогіі, або сцвярджалі ў характарах людзей высакародныя памкненні.

• Месца выхаду: Магілёў
• Дата выхаду: 2013-01
• Рэдактар: Яцкоў Мікалай
• Copyright: © 2013 by Дняпроўская Строма
• Кнігазбор: Kamunikat.org