Брылеўскі летапіс 9 (56)

Пра тое, што хвалюе. Як мы ўжо паведамлялі, 21 лютага 2008 года ў памяшканні Брылеўскага сельсавета адбыўся прыём грамадзян, які правёў намеснік старшыні Магілёўскага райвыканкама Валерый Казіміравіч Яленскі. Прадстаўнікі брылеўскай вуліцы Кастрычніцкай Тамара Васільеўна Лусцянкова і Сяргей Васільевіч Смалякоў распавялі пра тое, што дарога ад вуліцы Першамайскай да іх вуліцы і далей да вуліцы Палявой і “малееўскіх” могілак веснавой і восеньскай парой знаходзіцца ў жудасным стане, і ў гэтым пытанні вяскоўцам патрабуецца дапамога. Таксама тэрмінова трэба рабіць нармалёвую агароджу вакол пазначаных могілак, бо там улетку на полі пасвяцца каровы, якія заадно ходзяць і па могілках. Ёсць пытанне і па аднаму з калодзежаў, які абслугоўвае значную частку жыхароў вуліцы, -- ён пачаў разбурацца. У адказ В.К.Яленскі паведаміў, што стан праблемнай дарогі правярала адпаведная камісія райвыканкама і прызнала яго здавальняючым -- ёсць афіцыйная папера. Дарога знаходзіцца на балансе ДРБУ-128, і гэта арганізацыя будзе адказваць за сваю маёмасць.

• Месца выхаду: Брылі
• Дата выхаду: 2008-03
• Рэдактар: Яцкоў Мікола
• Copyright: © 2008 by Брылеўскі летапіс
• Кнігазбор: Kamunikat.org