Брылеўскі летапіс 30 (112)

Амазонка. У міфалогіі старажытных грэкаў апавядаецца пра народ, які складаўся выключна з жанчын. Яны былі ваяўнічымі, хадзілі ў паходы, і ў іх была нават свая дзяржава на ўзбярэжжы Чорнага мора. Кажуць, што яны былі вельмі добрымі наезніцамі... Аб усім гэтым мне падумалася, калі цёплым кастрычніцкім днём я сустрэў на вуліцы Кастрычніцкай у Брылях мясцовую дзяўчынку Ганну Старс. Яна, нібы старажытная амазонка, верхам на кані спяшалася ўздоўж вуліцы -- трэба было дапамагчы маці адвесці жывёлу пасвіцца. Праязджаючы ля мяне, Ганна крыху сцішыла хаду, даючы магчымасць пакінуць гэтае грацыёзнае імгненне ў памяці фотаапарата і на гэтай старонцы.

• Месца выхаду: Брылі
• Дата выхаду: 2009-10
• Рэдактар: Яцкоў Мікола
• Copyright: © 2009 by Брылеўскі летапіс
• Кнігазбор: Kamunikat.org