Брылеўскі летапіс 29 (76)

Заплаці і спі спакойна. Вера Андрэеўна Трышкіна ніколі не думала, што ў папулярнасці могуць быць розныя бакі. У тым ліку і адваротныя. І пра гэта даведалася яна 1 лістапада, калі адусюль пачулася: “Вера! Пра цябе ў “раёнцы” напісалі!” А Божа ж мой! А за якія такія заслугі?.. Узяла ў рукі нумар, разгарнула, і ў вочы кінуўся надпіс “Заплати и спи спокойно!!!” А ўнізе -- вялізны стос прозвішчаў тых, хто запазычыў раённаму камунгасу грошы за кватэрныя камунальныя паслугі. І там яе, Верына, прозвішча. І замест радасці ад такой папулярнасці чамусьці сапсаваўся настрой, бо інфармацыя, пададзеная ў газеце і падпісаная намеснікам дырэктара па ідэялагічнай рабоце МУКП “Жылкамгас” М.А.Ісмаілавым, абсалютна не адпавядае рэчаіснасці. Бо аплочвае Вера Андрэеўна кватэру акуратна і ў адпаведныя тэрміны. А тыя шэсцьсот з лішкам тысяч рублёў за гэтую кватэру завінавацілі так званыя “хімікі”, якія тут раней жылі. “Хімікаў” няма, а доўг “пачапілі” на В.Трышкіну. Цікавая логіка! Ідзем далей па спісу. Так, хто тут? Ага - Цеплякоў Валерый Аляксеевіч. Ведаючы Валеру шмат гадоў, і ўявіць не магу, што ён можа назбіраць такі доўг -- больш за 400.000 рублёў. Тэлефаную і ў адказ чую: “Ды закалупаў мяне гэты “Камунгас”!..” Што такое? Чаму такая нервовая рэакцыя ад заўсёды спакойнага чалавека?

• Месца выхаду: Брылі
• Дата выхаду: 2008-11
• Рэдактар: Яцкоў Мікола
• Copyright: © 2008 by Брылеўскі летапіс
• Кнігазбор: Kamunikat.org