Брылеўскі летапіс 16 (98)

Шмат намаганняў патрабуе амаль кожны дзень брылеўскае наваколле. Работнікі мясцовага ўчастка “Жылкамгаса” на чале з А.М.Сілковым імкнуцца, каб наша вёска была прыгожая, каб тут заўсёды быў добраўрападкаваны выгляд. На змену ручным косам прыйшлі механізаваныя прыстасаванні, і ўсе мы рэгулярна чуем іхнія галасы ля сваіх дамоў. Калі патрабуецца нешта больш магутнае, кіраўніцтва раённага “Жылкамгаса” накіроўвае ў Брылі адпаведную тэхніку. Напрыклад, некалькі майскіх дзён запар літаральна стогадовыя залежы смецця ля дамоў па вуліцы Юбілейнай у Брылях выграбаў спецыялізаваны аўтапагрузчык “Беларус”, якім кіраваў камандзіраваны М.У.Лысянкоў. Дзякуючы стараннай працы гэтага маладога хлопца змяніўся, можна сказаць, нават ландшафт нашага гарадка.

• Месца выхаду: Брылі
• Дата выхаду: 2009-05
• Рэдактар: Яцкоў Мікола
• Copyright: © 2009 by Брылеўскі летапіс
• Кнігазбор: Kamunikat.org