Брылеўскі летапіс 12 (129) 2010

Як ехаў, так і паехаў. 24 мая 2010 г. на брылёўскім участку ЖКГ вяліся планавыя работы - падвозіліся дровы. Бярвенні, як звычайна, месціліся на спецыяльных лесавозных прычэпах з пагрузачна-разгрузачнымі кранамі. Адзін з такіх прычепаў цягнуў “Беларус” і, паехаўшы па дарозе, каб заехаць злева да кацельнай, зачапіў кранам драты лініі электраперадач, што віселі поперак дарогі. Расказвае бібліятэкар Брылёўскай бібліятэкі Юлія Яцкова: “Адразу пачуўся моцны трэск, я зірнула ў акно і убачыла, як трактар цягне сваім кранам электрычныя драты. Паляцелі іскры, паваліўся драўляны слуп, і я падумала: каб хоць трактарыста тымі вольтамі не забіла. А ён як ехаў, так і паехаў далей...” Праз некаторы час пад’ехала “аварыйка”, вылезлі двое ў касках, задуменна агледзелі наваколле і селі чакаць міліцыю -- каб тая знайшла зламысніка. Праз гадзіны дзве прыехалі міліцыянеры, саставілі пратакол і з’ехалі. А ўся работа пачалася на наступны дзень, 25 мая: прыехала брыгада с бетоннымі слупамі, пад’ёмнікам і, негледзячы на дождж, ліквідавала гэтую аварыю.

• Месца выхаду: Брылі
• Дата выхаду: 2010-05
• Рэдактар: Яцкоў Мікола
• Copyright: © 2010 by Брылеўскі летапіс
• Кнігазбор: Kamunikat.org