Беларусы ў свеце 9/2010

Віншуем з 20-годдзем Згуртавання беларусаў свету “Бацькаўшчына”! На працягу 20 гадоў “Бацькаўшчына” працуе дзеля яднання ў адзіную супольнасць усіх беларусаў, што жывуць па-за межамі Беларусі і на Бацькаўшчыне, захавання і паглыблення іх беларускасці. Сябры Згуртавання, якія воляй лёсу апынуліся за мяжой, не толькі не забываюцца пра Радзіму, але і вядуць актыўнае нацыянальна-культурнае жыццё. Знаходзячыся за многія кіламетры ад Беларусі ва ўмовах іншамоўнага і іншакультурнга асяроддзя, яны захоўваюць у сваіх сэрцах Радзіму і актыўна працуюць на развіццё беларускай культуры, на падвышэнне прэстыжу беларускай дзяржавы ў свеце. Як і ўсе гэтыя гады, Згуртаванне беларусаў свету ”Бацькаўшчына” будзе і надалей рабіць усё магчымае дзеля кансалідацыі беларусаў па ўсім свеце, захавання і развіцця беларускай прысутнасці за мяжой і квітнення незалежнай Беларусі. Віншуем сяброў Згуртавання беларусаў свету “Бацькаўшчына” з юбілеем. Выказваем шчырую ўдзячнасць тым, хто ўсе гэтыя гады быў побач з намі, падтрымліваў у складаныя моманты жыцця арганізацыі, тым, хто перажываў за нашы поспехі і дасягненні і хто непасрэдна спрычыніўся да іх. Жадаем выдатнага здароўя, дабрабыту, жыццёвай сілы і энергіі, далейшай плённай дзейнасці на карысць роднай Беларусі!

• Месца выхаду: Мінск
• Дата выхаду: 2010-09
• Рэдактар: Макоўская Алена, Шыдлоўская Ніна
• Выдавец: Міжнароднае Грамадскае Аб'яднанне Згуртаванне Беларусаў Свету Бацькаўшчына
• Copyright: © 2010 by МГА ЗБС Бацькаўшчына
• Кнігазбор: Kamunikat.org