Беларусы ў свеце 2011/05

Напярэдадні 15-гадовага юбілею Таварыства Іркуцкай культуры імя Яна Чэрскага сутыкнулася з пытаннем аб высяленні з займанага памяшкання. Пра гэтую і іншыя праблемы, а таксама пра планы па адзначэнні юбілею распавёў нязменны старшыня Таварыства Алег Рудакоў. – Спадар Алег, у Вас ўзніклі праблемы з сядзібай, дзе размяшчаецца Таварыства. З чым гэта звязана і што можна зрабіць у такой сітуацыі? – Мы здымаем сядзібу ў Камітэце муніцыпальнай маёмасці ў Іркуцку. У Расіі выйшаў закон, згодна з якім улады павінны пазбавіцца сваёй маёмасці амаль усёй, прадаць гэтую маёмасць прыватным асобам, каб не забяспечваць утрыманне гэтых аб’ектаў. Застаюцца ў іхнай маёмасці толькі тыя будынкі, якія належаць непасрэдна адміністрацыі, то бок, дзе чыноўнікі сядзяць і працуюць. Гэтыя будынкі яны пакідаюць за сабой, а ўсе астатнія будынкі, якія належалі адміністрацыі, яны павінны распрадаць.

• Месца выхаду: Мінск
• Дата выхаду: 2011-05
• Рэдактар: Макоўская Алена, Шыдлоўская Ніна
• Выдавец: Міжнароднае Грамадскае Аб'яднанне Згуртаванне Беларусаў Свету Бацькаўшчына
• Copyright: © 2011 by МГА ЗБС Бацькаўшчына
• Кнігазбор: Kamunikat.org