Беларусы ў свеце 12/2008

Беларуска-польскае Бязмежжа. Толькі калі прыязджаеш на літаратурную сустрэчу “Бязмежжа”, пачынаеш разумець сапраўдны сэнс гэтага слова. Бо толькі тут адчуваеш, што мяжа паміж культурай метраполіі і беларускай нацыянальнай меншасці Польшчы існуе толькі ў тваіх стэрэатыпах, што беларуская зямля бязмежна багатая на таленты, нягледзячы на тое, калі і кім яна была разарвана межамі, што гасцінасць беларусаў Беласточчыны бязмежна, як і іх любоў да Беларусі. Развіццё інфармацыйных тэхнілогій толькі спрыяюць збліжэнню Беласточчыны і Беларусі, але найбольш спрыяе ім энергія, адданасць асноўнага арганізатара гэтых штогадовых сустрэч паміж беларускімі пісьменнікамі Беларусі і Польшчы Яўгена Вапы. Сустрэча адбывалася ў мястэчку Новае Лялькова, сярод белавежскай пушчы, векавую моц і спакой якой мы адчувалі ўсе дні сустрэчы. У пушчы адступае тлум і мітуслівасць гарадскога жыцця, менавіта там, як ніколі, адчуваеш, што ёсць сапраўдным у тваім жыцці, а што нязначным. Разумееш, што ёсць рэчы, якія існавалі да цябе, якія будуць існаваць пасля, якія бачылі не адно стагоддзе, тваіх продкаў.

• Месца выхаду: Менск
• Дата выхаду: 2008-12
• Рэдактар: Макоўская Алена, Шыдлоўская Ніна
• Выдавец: Міжнароднае Грамадскае Аб'яднанне Згуртаванне Беларусаў Свету Бацькаўшчына
• Copyright: © 2008 by МГА ЗБС Бацькаўшчына
• Кнігазбор: Kamunikat.org