Беларускія аўтары ў Польшчы: афіша снежня

7 СНЕЖНЯ ў Кракаве пройдзе чарговае мерапрыемства “Культура ў выгнанні. Дні салідарнасці на Віле Дэцыюша”. Гэта пэўны адказ на паглыбленне крызісу дэмакратычных каштоўнасцяў і грамадзянскіх свабодаў у Беларусі.

Памятаючы пра постаці і высілкі польскіх творцаў культуры на эміграцыі, арганізатары запрашаюць выказацца беларусаў — ахвяраў палітычнага ўціску, якія былі вымушаныя эміграваць з радзімы, каб знайсці новае месца для жыцця і творчай працы. Дні салідарнасці на Віле Дэцыюша (Willa Decjusza), паводле арганізатараў з польскага боку, паказваюць, што стварэнне супольнасці прадугледжвае як спачуванне, так і адкрытасць да іншых галасоў і традыцый, цікаўнасць да культуры суседзяў — новых кракавян, а таксама жаданне чамусьці ад іх навучыцца, каб нешта даведацца пра сябе.

У суботу, 7 снежня, чакаецца незвычайнае падарожжа па слядах беларускай літаратуры ў Кракаве. Падчас шпацыру можна будзе даведацца пра прыгоды беларускага класіка ў Марыяцкай вежы, пагаварыць пра важныя для беларусаў кнігі, выдадзеныя ў кракаўскіх друкарнях, наведаць мясціны, звязаныя з творчасцю беларускіх пісьменнікаў. Безумоўна, будуць вершы і цытаты ў перакладзе на польскую і беларускую мовы.

Шпацыр распачнецца каля Барбакану ў Кракаве і правядзе яго Зміцер Раманькоў.

Шпацыр бясплатны, неабходная рэгістрацыя па e-mail: villa@villa.org.pl

Сустрэчу з Андрэем Хадановічам і Уладзімірам Някляевым правядзе Валянціна Андрэева, галоўная рэдактарка ​​Gutenberg Publisher.

Апроч таго ў плануюцца і іншыя мерапрыемствы, звязаныя з беларускай культурай, у прыватнасці з фатаграфіяй і кнігавыдавецтвам. З поўнай праграмай можна азнаёміцца тут.

11 СНЕЖНЯ ў 16:00 пройдзе анлайн-прэзентацыя зборніка выбраных вершаў Чэслава Мілаша “Чалавек шматпавярховы” ў межах цыкла сустрэч “Санаторый пад клепсідрай”.

Прэзентацыя кнігі адбудзецца ў фармаце размовы двух беларускіх перакладчыкаў – Ганны Янкуты і Андрэя Хадановіча, якія пачытаюць выбітнага польскага паэта ў арыгінале і ў сваіх перакладах, а таксама паразважаюць пра ягоную творчасць, закрануўшы наступныя пытанні:

Як эвалюцыянавала паэзія Мілаша, што змянялася, а што заставалася нязменным у яго вершах.

Даваенны катастрафізм паэта – і досвед другой сусветнай вайны як рэальнай катастрофы.

“Іншага канца свету не будзе”: ідэйныя і мастацкія асаблівасці кнігі “Выратаванне”.

Мастацкія час і прастора ў “наіўнай” паэме “Свет”.

Мілаш як дыпламат на службе сістэмы – і дысідэнт-выгнаннік, амерыканскі ўніверсітэцкі інтэлектуал – і філосаф-містык.

Мілашаўская паэзія ў беларускіх перакладах: ад Максіма Танка да сучасных версій.

“Чалавек шматпавярхоўны” як першая спроба беларускага выбранага паэта.

14 СНЕЖНЯ адбудзецца прэзентацыя кнігі вершаў Андрэя Хадановіча да оперы “Дзікае паляванне караля Стаха” ва Уроцлаве ў межах курсаў “Мова Нанова”.

– сама аўтарка оперы, беларуская кампазітара і арганістка – Вольга Падгайская, якая напісала новы музычны твор паводле культавай аповесці;

– Ірына Жытынська – украінская оперная спявачка, мецца-сапрана, выканаўца адразу дзвюх партый у оперы. Ірына заспявае і для наведнікаў сустрэчы.

Szewska, 49 (3 паверх)

Instytut Historyczny Uniwersytetu Wrocławskiego

17:00 

14 СНЕЖНЯ ў Любліне ў межах фестывалю “Блізкі Усход” пройдзе вечар паэзіі Юлі Цімафеевай з музыкай Паўла Пасіні. Сёлетняя назва фестывалю “Стратэгічны лес” адсылае да другой часткі раману Альгерда Бахарэвіча “Сабакі Эўропы”. З поўнай праграмай можна азнаёміцца тут.

19.00, Sala Widowiskowa

Уваход вольны па білетах у касе залі

Загалоўнае фота: крыніца