Беларускі радны 7/1928

«Беларускі радны» - часопіс, орган муніцыпалітэтаў, т. зв. самаўрадаў у Заходняй Беларусі. Выдаваўся з 27.11.1927 да 16.2. 1929 у Вільні на беларускай мове. Выходзіў неперыядычна. Рэдактары-выдаўцы Я. Ярош, Т. Вернікоўскі, кіраўнік рэдакцыі Г. Канапацкі. Асвятляў дзейнасць органаў мясцовага самакіравання і адносіны да іх польскага ўрада, сацыяльнае становішча ў Заходняй Беларусі, пісаў пра абавязкі гмінных радных, даходы і выдаткі самаўрадаў, іх барацьбу з п’янствам і інш. Інфармаваў пра стан адраджэння краю, зруйнаванага 1-й сусветнай вайной, пра яго прыродныя багацці і патэнцыяльныя магчымасці, пра дарогі, меліярацыю, урадлівасць глебы, гадоўлю і ўтрыманне розных відаў свойскай жывёлы. Змяшчаў муніцыпальную і тутэйшую (краёвую) хроніку, юрыдычныя парады, матэрыялы па навуцы і тэхніцы. Выйшла 12 нумароў. А. С. Ліс. (крыніца: Энцыклапедыя гісторыі Беларусі, том 1)


        Увесь нумар у адным файле

• Месца выхаду: Вільня
• Дата выхаду: 1928-09-17
• Рэдактар: Вернікоўскі Т.
• Выдавец: Вернікоўскі Т.
• Кнігазбор: Kamunikat.org