Беларускі каляндар 1986

Як жа ж мы, беларусы на Падляшшы, мала ведаем пра сваю мінуўшчыну! Спытайце любога з насельнікаў гэтай зямлі — і то такога, хто закончыў сярэднюю ці нават вышэйшую школу — ён вам нямнога патрапіць сказаць пра гісторыю роднага краю. У лепшым выладку згане пра беларускае племя дрыгавічоў і іхнія старажытныя гарады Драгічын на Бузе, Бельск на Белай, Бранск ка Нурцы, Сураж на Нарве. Можа скажа, што ў канцы XIII стагоддзя гэтыя землі ўвайшлі ў склад Вялікага княства Літоўскага і належалі да яго да 1569 года, а паўночна-ўсходняя іх частка нават аж да раздзелу Рэчы Паспалітай у канцы XVIII стагоддзя. Магчыма, што запомніліся яму друкарня ў Заблудаве і два беларускія друкары Іван Фёдараў і Пятро Мсціславец, якія ў ёй у 1569 годзе выдалі „Евангелле вучыцельнае" — першую друкаваную кнігу на Падляшшы. Праўдападобна крыху болей раскажа ён пра нашага нацыянальнага героя Кастуся Каліноўскага — выдаўца першай нелегальнай беларускай газеты „Мужыцкая праўда" і правадыра Студзеньскага паўстання на Беларусі і Літве — ды дадасць, што К. Каліноўскі нарадзіўся ў 1838 годзе ў Мастаўлянах каля Ялоўкі на Беласточчьше (М. Гайдук, Нашыя продкі, фрагмэнт)

• Месца выхаду: Беласток
• Дата выхаду: 1986
• Рэдактар: Шаховіч Міхась
• Выдавец: Галоўнае праўленне Беларускага грамадска-культурнага таварыства ў Польшчы
• Выдавецтва/ друкарня: ГП БГКТ
• Памеры: 208с., іл., 21см
• Кнігазбор: Kamunikat.org, Каталёг MiOKB, Каталёг БГТ
• Інвэнтарныя нумары: BTH — 992, 1474, MiOKB — 2075, 2076, 2077, 2078, 2079