Беларускі гістарычны часопіс 1 (162) 2013

Студзеньскі нумар часопіса адкрывае цікавы артыкул Аляксандра Канойкі пра ролю шляхоў зносін і транспарту ў эканоміцы беларускага Палесся ў канцы XVIII—пачатку ХХ ст. Даследчык разглядае развіццё сухапутных, водных і чыгуначных шляхоў, паштовай службы. Вядомы гісторык Сяргей Токць расказвае пра сялянскі род Касцевічаў і яго знакамітых прадстаўнікоў — беларускіх паэтаў Макара Краўцова і Міхася Васілька. Статыстычная інфармацыя аб месцы калгаснага сялянства ў структуры беларускага грамадства прыводзіцца ў артыкуле Леаніда Лыча. У новай рубрыцы “Шлях у навуку” друкуецца артыкул студэнта гістарычнага факультэта Беларускага дзяржаўнага ўніверсітэта Антона Лявіцкага. У ім аналізуецца адлюстраванне гісторыі Тураўскага княства ў айчыннай гістарыяграфіі. Даследчыца Вольга Мядзведзева прапануе папулярны нарыс, у якім раскрываюцца асаблівасці беларускага народнага календара. Аўтар расказвае аб уяўленнях беларусаў, звязаных з трыма зімовымі месяцамі.

• Месца выхаду: Мінск
• Дата выхаду: 2013-01
• Рэдактар: Гальпяровіч Максім
• Выдавец: Пачатковая школа
• Кнігазбор:
  • BTH — бібліятэка Беларускага Гістарычнага Таварыства, ul. Proletariacka 11, Białystok (папяровы асобнік)
• Інвэнтарныя нумары: BTH — 1353.