Беларуская хата 2/1926

«Беларуская хата», штотыднёвы часопіс. Выдаваўся таварыствам «Беларуская хатка» ў Вільні ў 1926 на беларускай мове. Рэдактары А. Кабычкін, М. Малейка. Лічыла сябе органам незалежнай беларускай думкі, выказвалася за супрацоўніцтва з дэмакр. арганізацыямі Польшчы на аснове польскай дзяржаўнасці, крытыкавала віленскіх журналістаў, якія змяшчалі ў перыядычных выданнях шмат артыкулаў з палітычным ухілам, не аддавалі належнай увагі культурнай рабоце, інфармавала пра няўмелую, на думку рэдакцыі, палітыку Беларускага пасольскага клуба і яго падзел на групоўкі. На старонках часопіса змяшчаліся навіны з Польшчы і з-за мяжы, інфармацыя «З украінскага жыцця», юрыдычныя парады, агляды польскамоўнай прэсы, матэрыялы ў сувязі з 20-годдзем паэтычнай дзейнасці Я. Коласа, пра творчасць Н. Арсенневай, байкі Б. Друцкага і інш. (на падставе: В. І. Дзяшко, Энцыклапедыя гісторыі Беларусі, т. 1)


        Увесь нумар у адным файле

• Месца выхаду: Вільня
• Дата выхаду: 1926-10-31
• Рэдактар: Кабычкін А.
• Выдавец: Таварыства «Беларуская хатка» ў Вільні
• Кнігазбор: Kamunikat.org