Беларусь - Расія - Японія

Першым консулам Расіі ў далёкай і загадкавай Японіі яшчэ ў 19 стагоддзі быў беларус - Іосіф Гашкевіч. Варта адзначыць, што японцы вельмі насцярожана ставіліся да замежнікаў. Нават консулам было забаронена глыбока заязджаць ў краіну. А Іосіфа Гашкевіча яны з любасцю называлі "белавалосы консул". Менавіта гэтаму здольнаму чалавеку і прысвечаны зборнік матэрыялаў першых Астравецкіх краязнаўчых чытанняў, Беларусь-Расія-Японія. Зборнік складаецца з трох частак. У першай змешчаны матэрыялы пра Іосіфа Гашкевіча, першага консула Расіі ў Японіі, вучонага і падарожніка, які жыў і пахаваны на Астравеччыне, у другой - краязнаўчыя даклады па гісторыі, культуры Астравеччыны, у трэцяй - артыкулы пра беларуска-японскае грамадска-культурнае супрацоўніцтва. Наогул дадзенае выданне - перашае у падсумаванні стасункаў дзвюх розных народаў, пасярэднікам паміж якімі найчасцей выступае Расія. (Н.Г.)

• Месца выхаду: Менск
• Дата выхаду: 1997
• Рэдактар: Брэгер Герман, Мальдзіс Адам, Чарнышэвіч Данута
• Выдавец: Нацыянальны навукова-асьветны цэнтр імя Ф. Скарыны
• ISBN: 985-6419-10-7
• Катэгорыя: Гісторыя, Культура, Палітыка, Грамадзтва, Літаратуразнаўства, Мэмуары
• Copyright: © 1997 by Калектыў аўтараў
• Кнігазбор: Kamunikat.org