Belarus Live 31.01.2008

3 лютага Аляксандар Лукашэнка сустрэўся ў Сочы з «будучым прэзыдэнтам Расеі» Дзьмітрыем Мядзьведзевым і кіраўніком ураду Віктарам Зубковым. У той жа дзень адбылася нефармальная сустрэча Лукашэнкі з Пуціным у рэзыдэнцыі расейскага прэзыдэнта «Бачараў ручай». Сэрыя расейска-беларускіх кантактаў канца 2007 – пачатку 2008 гг. некаторымі палітолягамі інтэрпрэтуецца як лёсавызначальная. Зьвяртае на сябе ўвагу тое, што вызначэньне кошту газу для Беларусі толькі на першы квартал і, што асабліва важна, без падпісаньня гадавога кантракту, на грунце выкананьня дамоўленасьцяў у газавай галіне, заключаных у апошнія хвіліны 2006 г., сьведчыць пра страту Беларусьсю асноўнага рычага для гандлю з Расеяй па ўмовах супрацоўніцтва. Вызначэньне кошту без замацаваньня яго адпаведнымі пісьмовымі пагадненьнямі азначае, што Расея фактычна здольная цяпер – на аснове кантракту на 2007–2010 гг. – усталёўваць кошт адвольна.

• Месца выхаду: Мінск
• Дата выхаду: 2008-01-31
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu