Belarus Live 27.03.2008

Чарговы тыдзень запар сярод топ-навінаў зь Беларусі фігуруюць адносіны з Вашынгтонам. 2 красавіка намесьнік міністра замежных справаў Беларусі Віктар Гайсёнак заявіў журналістам, што Беларусь скарачае колькасьць супрацоўнікаў сваёй амбасады ў Вашынгтоне да сямі чалавек і чакае ад амэрыканскага боку аналягічных крокаў у дачыненьні да сваёй дыпмісіі ў Менску. Пасьля папярэдняга вымушанага скарачэньня, у цяперашні час, у амэрыканскай дыпмісіі працягваюць працаваць 17 супрацоўнікаў. Адміністрацыя Джорджа Буша лічыць «неапраўданай і неабгрунтаванай» прапанову Менску зноў скараціць колькасьць пэрсаналу амбасады ЗША ў Беларусі. Паводле прадстаўніка замежнапалітычнага ведамства ЗША, амэрыканскія ўлады ў цяперашні час «разглядаюць варыянты дзеяньняў у адказ». Ён пацьвердзіў, што ў ЗША зараз няма намераў скасаваць санкцыі ў адносінах да канцэрну «Белнафтахім», якія і справакавалі цяперашні крызіс у двухбаковых адносінах.

• Месца выхаду: Мінск
• Дата выхаду: 2008-03-27
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu