Belarus Live 18.09.2008

Прызнаньне вынікаў беларускіх парлямэнцкіх выбараў краінамі ЭЗ, ЗША і міжнароднымі эўрапейскімі інстытутамі расцэньваецца беларускімі ўладамі як самадастатковая каштоўнасьць, якая спрыяе адкрыцьцю новых магчымасьцяў для разьвіцьця краіны, і, адначасова, як сродак ціску на Расею, які ўзмацняе перамоўныя пазыцыі краіны ў гандлі з РФ па ўмовах эканамічнага супрацоўніцтва. Апошнім часам, пасьля расейска-грузінскай вайны, беларускі рэжым схільны расцэньваць усталёўваньне трывалых стасункаў з Захадам у якасьці дадатковых гарантыяў сваёй бясьпекі. Пытаньне прызнаньня Палаты прадстаўнікоў Нацыянальнага сходу чацьвертага скліканьня выклікае розную рэакцыю ў дэмакратычным лягеры. Многія палітолягі і бізнэсоўцы лічаць прызнаньне парлямэнту пажаданым, у асяродзьдзі палітыкаў гэтае пытаньне зьяўляецца канфліктным. ЭЗ і ЗША далі дадатковыя тлумачэньні сваёй пазыцыі па парлямэнцкіх выбарах у Беларусі. Так, Рада міністраў замежных справаў ЭЗ прыняла заяву, у якой гаворыцца, што ЭЗ будзе ацэньваць сытуацыю ў Беларусі ў сьвятле парлямэнцкіх выбараў і прагрэсу ў галіне дэмакратыі і правоў чалавека, пры гэтым ЭЗ гатовы пачаць перагляд абмежавальных мераў супраць беларускіх чыноўнікаў высокага ўзроўню.

• Месца выхаду: Мінск
• Дата выхаду: 2008-09-18
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu