Belarus Live 16.10.2008

У Беларусі ідзе падрыхтоўка да зьездаў двух найбуйнейшых дзяржаўна-грамадзкіх аб’яднаньняў – «Белая Русь» і БРСМ (Беларускі рэспубліканскі саюз моладзі). Кіраўніцтва гэтых арганізацыяў чакае падтрымкі дзяржавы, дзяржаўная ж улада спадзяецца, што яны змогуць функцыянаваць самастойна. Першы зьезд рэспубліканскага грамадзкага аб’яднаньня «Белая Русь» заплянаваны на 25 кастрычніка ў Палацы Рэспублікі. Старшынём арганізацыі зьяўляецца міністар адукацыі Аляксандар Радзькоў. У мерапрыемстве прымуць удзел 400 дэлегатаў з усіх вобласьцяў і Менску. 51 дэпутат новага скліканьня ніжняй палаты парлямэнту зьяўляецца чальцамі аб’яднаньня. Пры гэтым чальцы «Белай Русі» падчас выбарчай кампаніі ніяк ня ўказвалі на сваю прыналежнасьць да гэтай арганізацыі. У верхняй палаце – Радзе Рэспублікі чальцы аб’яднаньня складаюць каля чвэрці новых сэнатараў. «Белая Русь» аб’ядноўвае больш за 75 тыс. чаловек. Першы зьезд «Белай Русі» неаднойчы пераносіўся, паколькі заставалася незразумелым пытаньне пра маштабы дзяржаўнай падтрымкі аб’яднаньня.

• Месца выхаду: Мінск
• Дата выхаду: 2008-10-16
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu